Taliwala sa krisis nga atong gisagubang, usa ka ginang ang wala nagduhaduha sa pag-uli sa nakaplagan nga salapi diha sa pampublikong lugar nga nagkantidad sa Php 150,000 ngadto sa lehitimong tag-iya.

Si Evangeline T. Taja-on, residente sa Poblacion Barangay 3, ning syudad mipakita og talagsaong hiyas sa pagkamatinudanon ug integridad pinaagi sa pagbuhat sa matarong bisan pa man wala’y gidahum nga gante nga mabalik kaniya.

Tungod sa iyang kinaiya nga gipakita ug nahimong garbo sa komunidad nga angayan sundon, si Taja-on gihatagan og pasidungog isip pag-ila sa iyang maayong buhat.
Atubangan ni Mayor Jay Warren R. Pabillaran ug mga myembro sa 9th Sanggunian nga gipangulohan ni Vice Mayor Litoy Marabe, pormal nga gidawat ni Taja-on ang plaque of recognition ug kopya sa SP resolution atol sa 2nd Monday convocation program niadtong buntag sa Pebrero 12, 2024.

Ang pisidungog pinasubay sa SP Resolution 2024-0603 nga giduso ni Konsehal Alan Ryann O. Legaspi.

with report: SP-NADA