Gipahigayon ang ground-breaking ceremony alang sa pagatukuron nga Development and Upgrade of Swine Production Center niadtong Hunyo 30, diha sa Purok 5, Barangay 9, Malaybalay City.

Ang maong proyekto nagkantidad og Php 3-milyon gipundohan gikan sa Department of Agriculture – Regional Field Office 10.

Dako ang pasalamat ni City Veterinarian, Dr. Michele Miquiabas sa maong ahensya nga girepresentahan ni Engr. Arlene P. Almo, Agriculturist II.

Gipasalamatan usab ni Dr. Miquiabas si Mayor Jay Warren R. Pabillaran sa iyang suporta sa nagkadaiyang programa sa buhatan ug siya mismo ang nanguna sa maong seremonya.

“Kaning pagatukoron nga establisemento para kini mabago ug ma-upgrade ang pasilidad para sa swine artificial insemination laboratory sa syudad sa Malaybalay nga maoy gaproseso usab sa semelya sa atong barakong baboy,” sumala pa ni Miquiabas.

Gilauman sa City Veterinary Office nga mas molambo ug muluag pa ang matagaan nila sa serbisyo pinaagi sa pagmugna sa susama ani nga proyekto.

Report: City Vet – NADA