Gipahigayon gahapong adlawa, Pebrero 7, 2024, alas 9:00 sa buntag ang pag turn-over sa Health Station alang sa Barangay Uno. Pinaagi sa bag-ong natukod nga Health Center, limpyo, luwas ug kanunay andam nga mga health services ang ma-angkon sa mga lumolupyo sa maong barangay.

Gitambongan sa mga opisyales sa barangay, mipa-abot si Atty. Mitchell Talatala sa iyang mensahe isip representante ni City Mayor Jay warren R. Pabillaran ingon man, mipadangat usab sila si City Health Officer II Dr. Dennis P. Sangalang ug Dr. Melirose sa ilang mga inspiring messages. Si Dr. Vincent Raguro, Development Management Officer V sa Provincial Department of Health Office (PDOHO) sa Bukidnon, midasig sa mga lumolupyo sa barangay uno sa pagpahimulos sa mga serbisyo nga anaa sa bag-ong natukod nga health center.

Samtang si Punong Barangay Flaviano T. Gapol. Jr. mipadayag sa iyang pasalamat sa syudad sa Malaybalay sa paghatag sa maong health center nga maka-asikaso sa mga panginahanglan sa mga residente niini. Si Ms. Nellen B. Jacinto, Midwife II sa barangay 1 health station mipa-abot usab sa iyang pasalamat sa mga opisyales sa barangay nga nahimo ang maong proyekto.

Anaa usab sa seremonya sila si Mr. Jose Jesson Manalili, Architect, HFEP DOH CHDM, Kagawad on Health Arlene C. Bongcas, City Health Office midwives ug mga DOH nurses.
Report : Lianne Jones T. Cajegas, PTRP

CHO PT Unit Staff/CHO NADA