Ang High Value Crops Development Program (HVCDP) isip usa sa mga banner programs sa Department of Agriculture (DA) gimando ubos sa Republic Act 7900. Sa maong balaud, gitahasan sa pagpasiugda sa produksyon, pagproseso, pagbaligya ug pag-apod-apod sa mga high value crops. Subay sa panglantaw sa Malaybalay City Agriculture Office, nakatampo kini sa pagkab-ot sa igo na pagkaon, pagtubo sa ekonomiya ug pagpauswag sa kahimsog ug kaayohan sa mga konsumante. Gipasiugda usab niini ang produksiyon, pagproseso, pagpamaligya ug pag-apod-apod sa mga tanum nga adunay taas nga kantidad.

Ang Malaybalay Vegetable and Industrial Crops Association (MAVEGICA) mao ang hiniusa nga organisasyon sa siyudad alang sa high value commercial crops nga gipangulohan ni Mr. Francisco L. Calotes Jr. Ang 2nd Quarter Meeting niini nahitabo niadtong Agosto 3, 2022 sa Farmer’s Training Center, City Agriculture Office, Malaybalay City. Mga halangdong bisita nga mitambong mao sila si Konsehal Alan Ryann Legaspi, Committee on Agriculture; Mr. Leonard O. Leyros, CAFC Chairman; Mr. Allan Cammado, representante sa DA-X HVCDP; Ms. Arlene Almo, representante sa DA -Provincial Operation Center; Mr. Joel Rivera sa Lantapan Vegetable Marketing Cooperative; Ms. Shara Jean Sioquim, Representante sa Department of Trade and Industry; ug Ms. Jennifer Pancho, representante sa Department of Science and Technology.

Si City Agriculturist Remedios R. Sarzuelo ang niabi-abi sa mga bisita ug mga partisipante ug nihatag og pasiuna nga mensahe pag-ila sa mga proyekto ubos sa HVCDP nga gipatuman na sa dakbayan. Gihatag usab niya ang usa ka daklit nga pagtan-aw sa umaabot nga mga dagkong proyekto aron suportahan ang pagpamaligya sa mga produkto labi na ang Trading Post nga itukod sa Malaybalay Public Market.

Gihisgutan usab ang pagpalambo sa mga lugar sa pagkat-on nga maoy gipaabot ni Mayor Jay Warren R. Pabillaran. Gipahinumdoman usab ni CA Sarzuelo ang pag-enrol sa mga mag-uuma nga wala pa ma-enrol sa Registry System for Basic Sectors in Agriculture (RSBSA) ug Philippine Crop Insurance System (PCIC) aron makapahimulos sa umaabot nga mga benepisyo.

Si Manager Rivera sa Lantapan Vegetable Marketing Cooperative mipaambit bahin sa problema sa tibuok nasud sa pagpamaligya og kamatis. Nasayran nga buhong sa utanon ang Lantapan, usa na niini ang kamatis. Kung mutunga ang problema sa pagpamaligya sa kamatis, gisugdan nila ang pagpalit ug kamatis gikan sa mga mag-uuma ug i-link sa ilang kauban sa negosyo, nga mao ang Agri Global. Busa iyang gidasig ang mga mag-uuma nga ibaligya ang ilang mga produkto ngadto kanila aron matabangan sila nga makabaton og saktong market linkage. Ang ilang kooperatiba nakatabang na sa mga lungsod sa Impasug-ong ug Libona gawas sa Lantapan.

Si Konsehal Legaspi sa iyang mensahe malipayong mipahibalo nga kon magmalampuson ang Trading Post sa merkado publiko, matukod na ang Food Terminal sa Aglayan. Iyang gipasabot ang pagplano ug pagbadyet para karong tuiga nga ipatuman sunod tuig. Dugang pa niya nga ang mga poultry raisers diin gikinahanglan nga mohatag og 500 ka sako kada tuig sa ite sa manok aron makakuha og License to Operate nga ihatag sa City Environment and Natural