Gipahigayon sa mga personahe sa City Health Office (CHO) Malaybalay ang usa ka lecture kabahin sa Human Immunodeficiency Virus (HIV) ug Acquired Immunodeficiency Syndrome (AIDS) ngadto sa mga medical ug non-medical staff sa St. Jude Thaddeus General Hospital niadtong Pebrero 16, 2024, didto mismo sa ilang conference room.

Gihimo ang HIV 101 lecture aron mahibaloan ug mahatag ang husto nga kahibalo mahitungod sa maong impeksyon ug sakit, ingon man ang kabahin kon unsaon ang pagpahigayon sa counselling ug testing niadtong mga tawong mamahimong maka-angkon sa HIV-AIDS.

Mipa-ambit sa mga pagtulun-an sila si Dr. Susan Marie S. Punongbayan – Communicable Disease Medical Coordinator kauban ang mga nurse coordinators nga sila si Nemesia P. Babanto ug Athena Roselle B. Ortillo, Community-Based Screening (CBS) Motivators Roger Gamba ug Ritche Dequito ug ang Community HIV outreach worker nga si Nanelou Jabeguero.

Report: Lianne Jones T. Cajegas, PTRP
CHO NADA/PT Unit Staff