Usa ka Hog Production Seminar ang gipahigayon alang sa mga Persons with Disability (PWD) Federation members niadtong Nobyembre 14, 2023 didto sa Barangay Mapulo ning dakbayan sa Malaybalay.

Gisalmotan sa mga miembro nga gikan sa barangay Silae, Mapulo, Caburacanan, Kulaman, Busdi, Indalasa, Zamboanguita ug St. Peter ang maong kalihukan ingon man nila ni Michelle L. Timones, ang PWD officer sa lokal nga pangagamhanan sa Malaybalay, Gina Cagadas sa CSWDO ug ingon man mga personahe gikan sa Provincial Government sa Bukidnon – Persons With Disability Division (PGO-PDAD) nga sila si Mark Regor D. Micabalo, Rowena O. Diana, Brexie M. Abugan, Mary Grace F. Ayoon, ug Christian Labadan, ug Maryjean Quillano, mga OJT sa maong buhatan.

Mikabat sa 50 ka mga partisipante ang nakatambong sa maong seminar diin tumong niini nga mahatagan sa gahum ang PWD nga komunidad ug mahatagan ug teknikal nga kahibalo sa pagbuhi ug mga baboy alang sa ilang panginabuhian.

Mihatag sa mga pagtulun-an ug midumala sa maong kalihukan sila Si Dr. Omar T. Cahanap – Livestock Veterinarian ug Annabel C. Sia, ang Livestock Insurance Officer sa buhatan sa City Veterinary sa Malaybalay inabagan usab sa barangay extension workers sa City Vet – upper pulangi cluster.

Report: City Vet-NADA