Ang lokal nga pangagamhanan sa syudad sa Malaybalay pinaagi sa buhatan sa City Disaster Risk Reduction and Management kauban ang pakigtambayayong sa Office of Civil Defense Northern Mindanao nagpahigayon sa pagbansay-bansay mahitungod sa Incident Command System (ICS) – Executive Course, niadtong Oktubre 17, 2022 diha sa Farmer’s training center, City Agriculture’s Office.

Tumong sa maong kalihokan nga mahatagan sa saktong giya ang atong mga opisyales, responders, stakeholders ug response clusters panahon sa emerhensiya. Ang maong sistema naghisgut usab nga angayang maproteksyonan ug masiguro ang seguridad sa atong mga responders. Dugang pa, aron usab kini mamahimomg han-ay ug plastar ang pag-gamit sa atong mga resources.

Gipartisiparan kini sa atong opisyales nga mao sila si Councilors Brian Nelson T. Flores, Niko P. Aldeguer, ug Alan Ryann O. Legaspi. Gilangkoban usab kini ni City Administrator, Atty. Anna Marie R. Bergado, Executive Assistant V Arnel Alagenio, ug Executive Assistant IV, Atty. Mitchell Talatala. Anaa usab ang presensya sa nagkadaiyang stakeholders, civil society organizations ug pribadong sektor.

Mapasalamaton si CDRRMO Chief Alan J. Comiso sa atong amahan sa Syudad City Mayor Jay Warren Pabillaran sa kalampuson sa maong aktibidad. Ingon man, mipadangat usab sa pasalamat ang lokal nga pangagamhanan sa nahimong mga course instructors nga sila si Jesse Jim Azura Fajardo, Technical Sergeant Rif Gonzaga ug Kag. Patrick Dap-og.

Report by: CDRRMO-NADA