Gi Turnover sa Department of Interior and Local Government inubanan sa Lokal nga pangagamhanan sa Malaybalay sa pagpanguna ni Mayor Warren Pabillaran ang Local Access Road nga nag kantidad ug 16 million ug Level III Water system nga nagkantidad ug 4 million ngadto sa Barangay Capitan Angel kaniadtong January 27, tuig dos mil baynte tres.

Ang nasangpit nga aktibidad gi tambongan sa lain-laing mga personahe gikan sa engineering office. Kini nga proyekto namugna pinaagi sa programa sa atong kanhi Presidente Rodrigo Duterte nga LGSF-SBDP nga kabahin sa National Task Force to End Local Communist Armed Conflict (NTF-ELCAC) nga programa, kini usa ka pamaagi sa gobyerno sa pakigbatok sa insurhensya sa kabanikanhan. Kini nga pamaagi usab nagtumong sa paghatag gahum sa mga lokal nga komunidad ug tugotan sila nga manguna sa hyperlocal socioeconomic nga pagtubo, paghupay sa kakabus, ug pagpadayon sa kalinaw ug kahusay sa ilang lugar nga ginsakopan.