Halos nakuha sa Barangay Kalasungay ang nagkadaiyang pasidungog kon “awards” nga ginahatag sa mga kabarangayan atol sa programa sa Aldaw Ta Malaybalay niadtong Hunyo 15, 2022.

Ubos sa pagpanguna ni Punong Barangay Rodrigo R. Niere kauban ang opisyales ug lumilihok sa barangay dako ilang pasalamat sa lokal nga pangagamhanan sa Malaybalay sa pagpanguna ni Mayor Jay Warren R. Pabillaran kon diin nakita ang ilang paningkamot ug kalampusan sa natad sa barangay governance.

Isip nahimotang sa Category A, nasungkit sa Kalasungay ang first place mahitungod sa ang Galing Barangay (Gabay) Award ug Cleanest and Greenest barangay. Nakuha pud nila ang second place mahitungod sa Best Lupong Tagapamayapa Incentive Award kon LTIA.

Mao kini ang mga kumpleto nga hanay kabarangayan nga nailang performing barangays sa matag programa nga nahatagan og pasidungog didto sa Kaamulan Folk Arts, mao ang musunod:

A. Search for the Cleanest and Greenest Barangay-2021 Category A: 1st place – Barangay Kalasungay, 2nd place – Barangay Laguitas, Consolation Awardee: Barangay 1, Barangay Casisang, Barangay San Jose, ug Barangay Patpat. Nakuha usab sa Patpat Elementary School ang Best ESWM Implementing School ug Best Greening Program Implementing School. Alang usab sa category B, nasungkit ni Barangay Kulaman ang samang pasidungog ug gisundan kini sa, Barangay Capitan Anghel, Barangay 3, Barangay 8 isip consolation awardee. Nakuha usab ni Capitan Anghel Integrated School ang Best ESWM Implementing School ug ni Kulaman Elementary School ang Best Greening Program Implementing School sa ikaduhang kategorya.

B. B. Search for Galing Barangay (Gabay) Awards Category A: 1st place- Kalasungay, 2nd place- Aglayan, 3rd- Casisang, ug alang usab sa category B, naangkon sa Kulaman ang 1st place, Poblacion 2 ang 2nd place, ug Poblacion 3 ang 3rd place. Naangkon pud ang halos special awards ubos sa galing barangay awards mao ang: Kalasungay nga nag laras halos sa mga espesyal nga pasidungog ug giila isip, Most Functional BPOC, Most Functional BADAC, Most Functional VAWC, ug Most Functional BCPC ug gisundan kini sa Barangay 2 isip Most Functional BDRRMC ug sa St. Peter isip Good Housekeeping. Naila usab si Kesha Dawn M. Sewala sa Barangay Kalasungay isip Best Performing Barangay Secretary lakip na si Merelita H. Lerado sa Barangay Sinanglanan isip Best Performing Barangay Treasurer.

C. CY 2022 Lupong Tagapamayapa Incentive Awards kon LTIA Category A: Magsaysay-1st place, Kalasungay-2nd place, ug Cabangahan-3rd place. Giila ug gipasidunggan pag usab ang Kalasungay ug Magsaysay isip Outstanding of Excellent sa maong programa ug sa samang bahin ang Cabangahan usab sa maong kategorya. Alang usab sa kategoryang B, gipangunahan kini ni Poblacion 8, gisundan ni Poblacion 2 ug ingon usab ni Poblacion 4.