Ang buhatan sa City Health (CHO) sa Malaybalay, pinaagi sa pakigtimbayayong sa Bukidnon Provincial Health Office, nagpahigayon og imbestigasyon sa mga kaso batok sa sakit nga sanla kon leprosy niadtong Marso 5, 2024.

Ang nasangpit nga inisyatibo nakatutok sa tulo ka barangay, ning syudad mao ang Dalwangan, Sanjose, ug Laguitas, basi sa taho nga nadokumento.

Gitagsa-tagsa og bisita sa team ang mga balay sa gikatuhoan nga adunay sanla aron kini mahinabi ug masusi ang ilang kondisyon ug kahimtang.

Sumala pa sa CHO, sinugdanan lamang kini sa kalihokan aron ma-eskedyul sila sa mosunoray nga interbyu nga ipahigayon sa Marso 21, 2024, nga pasiugdahan sa Culion Foundation, usa ka Non-Government Organization nga motabang sa indibidwal nga nataptan sa maong sakit.

Ang ilang paningkamot kalabot sa ilang programa nga gitawag, “Modified Leprosy Elimination Campaign Project,” kini naningkamot nga mahatagan og intervention ang pasyente.

Report: Lianne Jones T. Cajegas, CHO-NADA