Sa gipahigayon nga 2nd Monday Convocation Program nga gipasiugdahan sa Sangguniang Panlungsod (SP) niadtong Nobyembre 14, 2022 didto sa Peoples Hall, City Hall nga gitambongan sa mga opisyales ug kawani sa lokal nga pangagamhanan sa Malaybalay, gitunol ang mga pasidungog ngadto sa lain-laing personahe sa nagkadaiyang natad.

Pinaagi sa SP resolution of commendation ug service recognition award nga gi-sponsoran sa konseho, gitunol ngadto sa mga mosunod isip kanhi miyembro sa SP Malaybalay nga mao si: Nicolas C. Jurolan, Ignacio W. Zubiri, Victor P. Aldeguer, Atty. Roland F. Deticio, Jaime P. Gellor, Jr., Atty. Conrado M. Barroso, Atty. Rendon P. Sangalang, Louel M. Tortola, Anthony Canuto G. Barroso, Atty. Mya Analene Rosos-Tenorio, Tita Perla E. Rubio, Wilfredo M. Bides, Claudio S. Casinabe, Manuel M. Evangelista, Sr., Dr. Glorio D. Sajulga, Jose Medardo M. Estaniel, Norgen V. Hoy, Rhea Vyel C. Maskariño, Bede Blaise Omao-Maghilum, ug Mishel Caren S. Castilla.

Kauban sa gipasidunggan mao ang kasamtangan nga mga opisyales sa probinsya sa Bukidnon ug sa syudad sa Malaybalay mao si: Hon. Jay Warren R. Pabillaran, Hon. Lorenzo L. Dinlayan, Jr., Hon. Hollis C. Monsanto, Hon. Melchor P. Maramara, Hon. Niko P. Aldeguer, Hon. Erwin A. Damasco, Hon. Bonifacio G. Valiente, ug Hon. Dave Julian A. Balore.

Gihatag ang pasidungog tungod sa ilang kontribusyon ug kabahin sa pagpanday sa mga balaudnon ug mga resolusyon nga nakahatag ug episyente ug epektibo nga panerbisyo ngadto sa katawhan sa Malaybalay.

Adunay certificate of commendation usab ang gipaabot isip miyembro sa Local Task Force Against Coronavirus 2019 (COVID-19) sa ilang walay hunong nga pagpaningkamot ug sulundon nga serbisyo sa siyudad sa Malaybalay sa mga mosunod: Hon. Jay Warren R. Pabillaran, Atty. Rendon P. Sanggalang, Hon. Bonifacio G. Valiente, PLTCOL Jerry A. Tambis, F/INSP Llyod M. Villaroya, Manuel G. Peralta, Kenneth Amiel M. Taylor, Sony Dabe Belderol, Roberto T. Flores, Atty. Julius Michael G. Barroso, Dr. Vincent Troy A. Del Mundo, Nelia C. Arocha, Aldrich C. Alaan, Dr. Victoria V. Gazo, Engr. Adrian R. Gamboa, ug Ruzanne R. Belisario.

Ang 9th SP nagdayeg ug mapasalamaton sa ilang serbisyo nga ilang gibuhat ngadto sa katawhan alang sa pagdumala ug pagpakgang sa COVID-19. Ang maong certificate pinirmahan ni Mayor Pabillaran , Bise-Mayor Marabe ug ni Konsehal Dindo Dinlayan.

Dugang plaque of recognition ug resolution of commendation usab ngadto kang Dr. Kenny Vergara Pique sa iyang nakab-ot nga kalampusan isip topnotcher sa veterinarian licensure examination nga gipahigayon sa Cagayan de Oro City kaniadtong Setyembre karong tuiga.

Nasayran nga si Dr. Pique usa ka residente sa Barangay Dalwangan ug siya naghuman sa iyang pagtuon didto sa University of the Philippines-Los Baños.

Garbo ug dungog sa siyudad sa Malaybalay ug angay lamang pasidungan si Dr. Pique isip numero uno sa nasangpit nga examination ug kini mamahimong sulundon ug inspirasyon sa umaabot pa nga mga examinees.

Samtang, usa ka plaque ang gipaabot ngadto kang Romil T. Jabonero ug sa Luyungan IP School faculty, staff & students diin mapasalamaton ang 9th SP sa ilang pagtabang aron sa kalampusan sa pagpahigayon sa ika 15th Regular Session didto sa ilang tulunghaan.

Report: SP-NADA