Gikalipay sa buhatan sa City Treasurer kauban ang Business Permits & Licensing, ug City Administrator’s Office ang pagbisita sa lokal nga pangagamhanan sa Loreto, Dinagat Island niadtong August 25, 2022.

Tumong sa maong panagtagbo nga makakat-on sila sa maayong sistema ug pagpadagan sa syudad sa Malaybalay kabahin sa nagkadaiyang programa sa revenue collection.

Pormal nga gidawat ang mga bisita pinaagi sa representante sa buhatan sa Mayor, nga mao si Executive Assistant designate Arnel Alagenio.

Sa iyang pakigpulong, gilatid ni Alagenio ang mga plano ug umaabot pa nga mga proyekto ubos sa pagdumala ni Mayor Jay Warren R. Pabillaran nga kanunay gyud nga gauna nga masiguro ang sakto ug hingpit nga serbisyo sa katawhan.

Dugang niini, gipasabot sa nagkadaiyang kawani ang mga naandan ug naplastar nga sistema nga maoy nag-angkla sa episyente ug epektibo nga paghatag sa serbisyo kon diin kini nahan-ay na pinaagi sa mga ginapadayon nga best practices.

Report – CTO NADA