Ang lokal nga pangagamhanan sa Malaybalay nakigduyog sa tibuok nasud alang sa paghinumdom sa pagkamartir sa atong bayani, Dr. Jose P. Rizal sayo sa buntag sa Desyembre 30, 2022.

Gipangunahan sa City government ug katimbayayong ang 403rd Brigade Philippine Army, gipasiugdahan ang cermonial flag raising ug wreath-laying nga didto napahigayon sa Centennial Marker, Brgy. Dalwangan nga gisugdan alas 7:00 sa buntag.

Lakip sa maong programa ang pagdayeg sa Philippine Flag pinaagi sa Panumumpa sa Watawat gikan sa Boy Scouts of the Philippines ug gisundan kini sa Salute to the Flag nga gibatbat gikan sa Free and Accepted Masons of the Philippines.

Nagdala sa tema nga, “Alaalang Iningatan, Yaman Ngayon ng Bayan,” Si Mayor Warren R. Pabillaran ang nanguna sa maong selebrasyon sa ika-126 Rizal Day.

Gisaysay ni Mayor Pabillaran kung unsa kamahinungdanon ang kasaulogan kon diin magpabilin nga buhi ang hiyas ug legasiya sa atong bayani nga si Gat Jose Rizal.

“Atong isiguro nga ang Syudad sa Malaybalay kanunay magpahigayon ug programa susama niani timaan sa atong paghinumdom sa iyang maximum sacrifice aron maangkon ang kagawasan. Wala’y lain nga mobuhat niini kung dili kita nga mga Pilipino nga matagaan kini og dakong importansya,” matod niya.

Sa laing bahin, gipartisaparan ang programa sa mga opisyales sa northern barangays ug poblacion brgys, kawani sa City government, national-lined agencies, men and women in uniform, civic groups and organizations, Boys Scouts ug Girl Scouts kauban ang adult leaders.

Gitambungan usab kini sa grupo sama sa Free and Accepted Masons of the Phil. ug Knights of Columbus.