Isip lakang sa pagpatuman sa online transactions dinhi sa dakbayan, nag-benchmark ang pipila ka kawani sa lokal nga pangagamhanan sa Malaybalay didto sa Cagayan de Oro City niadtong Hulyo 18, 2022.

Tumong sa maong pagbisita ang pagtan-aw sa mga pamaagi, mga proseso ug mga teknolohiya nga gigamit sa Cagayan de Oro, ilabi na sa mga digital na nga transaksyones, ang ilang online payment systems, ug ang mga IT programs nga maoy gapalikod sa maong abanteng pamaagi pagserbisyo sa ilang mga kliyente.

Uban sa maong benchmarking ang mga taga Treasurer, Assessor’s ug CMO – Business Permits & Licensing Office, ug hiniusa nilang gisusi ang talagsaon nga sistema sa CDOC – Treasurer’s office nailang usa sa pinakauna nga mi-implementar sa tibuok nasud.

Kauban usab sa maong grupo ang mga software developers sa City Administrators Office – MIS Division ug City Planning and Development Office.

Dako ang pagpasalamat sa pagpanguna ni Rosie T. Dumas, ang City treasurer, ngadto sa iyang katugbang sa CDO nga mao si Jasmin T. Maagad nga mao’y nangulo sa pagpasabot sa sistema nga ilang gidumala ug gipatuman atol sa napahigayon nga benchmarking.

Ang maong kalihokan gipasigarbo usab sa LGU-CdeO tungod kay gipasidunggan sila niadtong tuig 2017 sa pag-establish sa Online Payment System ug Digital Transactions diha sa City Treasurer’s Office.

With report: CTO-NADA

Source & Photo: CdeO City Information Office