Ang lokal nga panggamhanan sa Malaybalay, pinaagi sa buhatan sa City Social Welfare and Development Office (CSWDO), nipahigayon og pagpang apud-apud sa social pension para sa mga Senior Citizen niadtong Oktubre 25-28, 2022 sa pito ka barangay ning syudad.

Kini gibahin sa tulo ka clusters mao ang Poblacion nga didto gipahigayon sa Barangay Sumpong ug Barangay Casisang covered court niadtong Oktubre 25, 2022, ang Upper Pulangi/Can-ayan Cluster niadtong Oktubre 26, 2022 didto sa Barangay Kulaman, Barangay Zamboanguita ug Barangay Can-ayan covered court, samtang ang Basakan Cluster didto sa Barangay Managok ug Barangay Simaya Covered Court niadtong Oktubre 27, 2022.

Ang kwalipikadong benepisaryo sa social pension nga programa para sa kabus nga senior citizens nga nag edad ug 65 anyos pataas ang mahatagan ug P 500.00 matag bulan diin ihatag kini matag quarter aron makatabang sa pag supplementar sa matag adlaw nilang panginahanglanon.

Adunay 3,252 nga mga kabus, masakiton, ug mga walay supporta gikan sa ilang pamilya nga mga senior citizen ang nakadawat sa ilang ika upat nga quarter nga social pension nga nagkantidad sa Php 1,500.00.

Ang mga senior citizens nga wala naka kuha sa ilang social pension sa gitakda nga schedule kada cluster, nakuha ang ilang pension niadtong Oktubre 28, 2022 didto sa Barangay 9 covered court.

Sa susamang paagi, ang tanan nga mga senior citizens nga wala nakadawat sa ilang social pension sa gihatag nga schedule, gitagaan pa usab ug panahon sa pagkuha niini niadtong November 16, 2022 nga gipahigayon dinhi sa city hall sa syudad.

Sa kinatibuk-ang aktibidad adunay 3,174 gikan sa 3,252 ka mga kabus nga senior citizen ang nakakuha sa ilang pension nga ang kantidad ug P 4,761,000.00 sa kina tibuk‚Äďan.

Report: CSWDO-NADA