Ang Office of the Senior Citizens Affairs (OSCA) inabagan sa City Administrator’s Office nagpahigayon ug sunodsunod nga mga schedule sa nagkalain-laing barangay alang sa renewal ug pag-isyu sa bag-ong senior citizens’ national plastic IDs.
Sumala pa sa OSCA mikabat na sa 8,377 ka plastic ID ang nabuhatan sa 29 ka mga barangays nga nahuman niadtong Enero 26, 2024 ug magpadayon pa kini sa umaabot pa nga skedyul.

Ang mga mosunod mao ang nakadawat na sa ilang plastic IDs: Barangay 1 (517 senior citizens),Barangay 2 (118), Barangay 3 (68), Barangay 4 (102), Barangay 5 (51), Barangay 6 (80), Barangay 7 (159), Barangay 8 (96), Barangay 9 (473), Barangay 10 (222), ug Barangay 11 (201).

Sa south ug north barangays mao ang San Jose (391), Laguitas (264), Patpat (237), Sumpong (588), Casisang (1,498), Capitan Anghel (54), Can-ayan (316), Kibalabag (71), Manalog (44), Kalasungay (478), ug Bangcud (370).

Lakip sa nahatagan sa serbisyo ang barangays Mapayag (80), Magsaysay (156), Dalwangan (407), Imbayao (78), Aglayan (441), Cabangahan (220), ug Linabo (586).

Si OSCA Head Rene Y. Cipriano mipasabot nga kining mga ID balido sa tibuok kinabuhi ug adunay 20% diskwento sa mga nag-unang kinahanglanon susama sa pletehan sa transportasyon, mga tambal nga ilang palitunon ug 5% para sa groceries.

Nipaabot usab ang mga senior citizens sa ilang pagpasalamat sa atong halangdong Mayor Jay Warren R. Pabillaran sa paghatag kanila sa maong oportunidad.

Report: OSCA-NADA