Gipahigayon pinaagi sa City Agriculture’s Office (CAgO) ang culmination program sa MADAGAYA Agri-Fair sa Barangay 6, Malaybalay City niadtong Hunyo 30, 2022.

Ang aktibidad gipangunahan ni CAgO FOD Chief Vic. Ian Alcontin ug IDS OIC Owen Hazel Q. Lagria. Kini gitambongan ni Atty. Mitchel D. Talatala hulip ni City Mayor Hon. Jay Warren R. Pabillaran, City Councilor Hon. Christopher Soria, CAFC Chairperson Leonard Leyros, DTI OIC Provincial Director Famela Raquel Villanueva ug CAgO personnel ug staff nga gipangulohan ni CA Remedios R. Sarzuelo.

Gipresentar ni Ms. Lagria, Institutional Development Section OIC, ang synthesis sa Agri-Fair gikan Hunyo 9 hangtod 28, 2022. Ang maong aktibidad adunay 23 ka exhibitors nga nagpakita sa ilang mga produkto nga adunay kinatibuk-ang halin nga P224,024.00 sulod lamang sa 20 ka adlaw. Gipahigayon usab ang Techno-Clinic sa palibot niadtong Hunyo 14-26, 2022 diin adunay 112 ka mga partisipante ang nakarehistro online.

Ang mga hilisgutan nga gituki sa mga dinapit nga resource persons mao ang Mushroom Production, How Mushroom Can Save the World, Feed Formulation for Poultry and Swine, Quail Production, Organic Vegetable Production, Hydrophonic Production, Cacao Production and Tablea Processing, Landscaping and Dish Gardening, Corn Production and Tilapia Production.

Nasungkit sa tulo ka mga negosyante ang top 3 sales sa aktibidad, kini sila si Jennie Bolawit of Te Jenn Food Processing, Transfiguration of Abbey, ug Maria Celse Embudo of Maria Celse Cake and Pastries. Ang mga mosunod mao ang ngalan sa negosyo ug lugar kon diin asa kini nahimutang ug ilang mga produkto:

1. Jennie Bolawit of Te Jenn Food Processing, San Jose – Medicinal Herbs, Camote/Banana/Taro Chips, Binangkal, Carrot Juice, Buko Juice, Pineapple Pie, Ube Pie, Bibingka, Sarongsong.

2. Transfiguration of Abbey, San Jose- Tableya, Premium Coffee, Premium Whole Bean Coffee, Piniato, Dark/Sweet Chocolate, Drip Coffee

3. Maria Celse Embudo of Maria Celse Cake and Pastries, Bangcud- Banana Loaf, Oatmeal Cookies, Raisin Cookies, Banana Muffin, Carrot Cake, Sugar Cookies.

Report ni: Rajane R. Paurom, NADA-CAgO