Gibisita sa mga kawani sa buhatan sa City Agriculture ang Vegetable Growers Association labi na ang mag-uuma sa kamatis diha sa Purok-6, Patpat, Malaybalay City niadtong Hulyo 14, 2022. Kini sa tumong nga matubag ang problema nga ilang gisagubang karong panahona.

Kauban si Konsehal Alan Ryann Lepaspi, SP-Committee chair sa Agrikultura, gilauman nga mahatagan og kapasidad ang mag-uuma aron ma-link ang husto nga market alang sa ilang produkto ug masuta kung unsa pa nga mga lakang aron masulosyonan ang ilang kalisdanan.

Sa maong kalihokan gipaningkamotan sa lokal nga pangagamhanan sa Malaybalay ubos sa pagpangulo ni Mayor Jay Warren R. Pabillaran nga matabangan ang mag-uuma. Busa ang City Agriculture ug uban kang Mr. Joel Rivera, General Manager sa Lantapan Vegetable Farmers Marketing Cooperative (LVFMC), gitabangan nga madispatsar ang tulo ka tonelada nga kamatis ug makatukod og temporaryo nga sistema nga kung asa nila ma-market ang ilang mga sobra nga abot.

Ang kalampusan sa maong aktibidad gipaluyohan usab ni City Agriculturist Remedios R. Sarzuelo, High Valued Commercial Crops coordinator Emegen Disalan, Malaybalay Vegetable & Industrial Crops Assoc. chairperson Francisco Calories, Jr., Patpat AEO Marianne Yandug, Chrysler Bislig sa Patpat Diversified Farmers Association, ug Merlyn Gallardo sa Patpat Vegetable Growers Association.

Giawhag sa buhatan sa Agriculture nga tabangan ta atong mag-uuma pinaagi sa pagpalit sa ilang lokal na produkto. Mamahimong motawag alang sa dugang kasayuran sa presyo sa kamatis matag kahon kang Ms. Yandug sa numero: 09066709668.

Report: City Agriculture Office – NADA