Bisita alang sa Question Hour ang atong CHO Head ug IATF Chairperson, Dr. Dennis Sangalang alang sa mga bag-ong kasayuran sa Covid-19 dinhi sa dakbayan. Ingona man, ang mga engineers nga nakatutok sa ongoing rehabilitation sa Plaza Rizal maga-atubang sa mga City Councilors.

Pagabasahon ug ipang-refer usab ang mga proposed measures sama sa Barangay Resolution No. 26-2022 sa Brgy. Magsaysay kabahin sa pagpatuman sa maong dapit sa Solid Waste Management Ordinance, apil pud ang giduso nga ordinansa sa pagmando sa pipila ka establisamiento dire sa dakbayan sa pagpataud ug CCTV kon close circuit television.

Sunod pagatuki-on ang lain-laing komunkasyon nga giindorso ni City Mayor Jay Warren R. Pabillaran padulong sa SP pinaagi kay Vice Mayor Estelito R. Marabe. Lakip na niini ang MOA tali sa City Government ug DA – regional office alang sa pagtransfer sa upat (4) ka baka sa Mapulo Univer Farmers Association; ingon man sa MOA tali sa CGM ug sa Bethel Baptist Hospital para ang ulahi mamahimong referral facility para sa chest X-ray services. Apil usab giindorso ni Mayor Pabillaran ang MOA tali sa Provincial Government of Bukidnon ug sa CGM sa pag-gamit sa BPH blood screening center services, ang MOA tali sa BUSECO ug lokal nga pangagamhanan alang sa San Jose Resettlement Site Phase Line, and ug susamang kasabutan sa CGM ug sa Development Academy of the Philippines sa ihatag nga technical assisatnce sa ulahi sa pag-formulate sa CDP-ELA alang sa dakbayan.

Apil usab sa mga hisgutanan alang sa impormasyon sa konseho ug sa publiko ang pagtudlo kang Rene Y. Cipriano isip OSCA Chairman, ang pag-adopt sa Internal Rules of Procedure sa 9th Sangguniang Panlungsod, ug uban pa nga sulat gikan sa Sangguniang Panlalawigan.

Ang mga Committee Reports gikan sa Civil Service and Personnel Management, sa Health and Social Welfare Services ug sa Finance, Bank Accounts & Appropriations apil usab mahisgutan sa regular SP Session unyang hapon.