Gipahigayon sa mga physical therapist (PT) gikan sa Malaybalay City Health Office ang evaluation ug paghimo og PT Program alang sa mga pasyente sa Upper Pulangi Lying-In Clinic (UPLC), Barangay Mapulo, Malaybalay City niadtong Hulyo 10, 2024.

Ang mga pasyente gi-refer sa doktor aron mosubay sa Physical Rehabilitation.

Gipatuman sa mga PTs ang aktwal nga pagtambal pinaagi sa lainlaing pamaagi sama sa Therapeutic Mobility ug Strengthening Exercises, Balance and Coordination Training, Developmental Milestone/Pediatric Techniques, ug Play Therapy.

Gigamit usab ang mga Physical Modalities sama sa Electrical Stimulator ug Hot Moist Packs.
Lakip sa mga pasyenteng ilang gitambalan mao ang mga nag-antos sa Cerebrovascular Accident (Stroke), Frozen Shoulder, ug Cerebral Palsy.

Naghatag usab ang mga PTs og Home Instruction Program nga kinahanglan buhaton matag adlaw aron mapadali ang pag-ayo ug pag-uswag sa kahimsog sa mga pasyente.

Ang maong aktibidad gibuhat aron matabangan ang mga pasyente nga dili maka-adto sa Malaybalay Physical Therapy Center tungod sa kalayo sa ilang lugar.

Ang pag-abot sa serbisyo ngadto sa Upper Pulangi District usa ka inisyatibo nga gitumong aron mapadali ang pag-ayo sa mga pasyente nga adunay limitado nga access sa physical therapy.

Report: CHO-Nada