Kini subay sa atong gipapasar nga Ordinansa kaniadtong 2021, sa akong termino isip inyong City Councilor. Matod pa sa Department of Trade and Industry (DTI), malipayon sila kay kini ang pinaka-una nga Ordinansa nga nabuhat ug gipatuman sa tibook Region X.

Ang Malaybalay City Price Coordinating Council Ordinance (Ordinance No. 969) naglayon nga magpa-stabilize sa presyo sa mga nag-unang palaliton sa atong dakbayan ilabi na kay duol na ang panahon sa kapaskohan.

Pina-agi sa direktiba sa atong Mayor, Ako, isip inyong Bise Mayor ug Chairman sa Committee on Trade and Industry, atong giseguro nga ma-activate ang Local Price Coordinating Council ug ang Local Price Action Officer kung diin mao kini ang gitahasan nga mag-monitor sa mga presyo sa mga gipangbaligyang basic commodities diri sa Malaybalay. Adunay Task Force nga pagamugnaon aron maoy magbuhat sa regular monitoring.

Sa pikas nga bahin, ang Malaybalay City Price Coordinating Council mao usab ang responsable sa panahon sa kalamidad aron walay mga negosyanteng makapahimulos sa pagpasaka ug presyo sa ilang mga produkto.

Pina agi niining maong balaodnon, kita malaumon nga mabati sa atong mga kaigsoonan ang pagpalig-on, pagka-stable ug pag-ubos sa presyo sa mga nag-unang palaliton.