Giaprobahan na sa Sangguniang Panlungsod ang Resolution No. 2024-0588 mao ang pagtugot sa halangdong Mayor Jay Warren R. Pabillaran sa pagsulod sa usa ka Memorandum of Agreement (MOA) tali sa City Government of Malaybalay (CGM) ug sa CURE Philippines, Inc. mahitungod sa pre-surgery, surgery ug post-surgery services uban sa pagsuporta ngadto sa mga pasyente nga adunay congenital nga kondisyon.

Kaniadtong Nobyembre 24, 2023, ang buhatan sa mayor nag endorso ngadto sa SP uban sa paghangyo nga pagatugutan si Mayor Pabillaran sa pagsulod sa usa ka MOA tali sa CGM ug sa CURE Philippines, Inc. mahitungod sa nasangpit na serbisyo.

Nasayran nga ang CURE Philippines, Inc. usa ka non-stock, non-profit organization nga nanag-iya ug nag operate sa usa ka hospital nga ginganlang Tebow CURE Children’s Hospital of the Philippines nga nahimutang sa Davao City. Sila gahatag sa surgeries ngadto sa mga bata ubos sa 18 anyos ang edad nga adunay congenital condition sama sa bungi, busngi, lip tie, club foot, bowed legs ug uban pang mga deformities.

Ang lokal nga pangagamhanan gimandoan sa paghatag ug serbisyo, pagpalambo ug pagprotektar sa katawhan labi na sa maayong panglawas.

Ang CGM maoy gitahasan sa pag-identify sa pasyente, paghatag ug venue, pagkaon o snack sa partisipante ug transportation sa pasyente.

Ang duha ka partido miuyon sa uban pang mga termino ug kondisyon nga natala sa nasangpit nga MOA.

Human sa masusing pagtuon, atol sa ika 75th regular session niadtong Enero 16, 2024 , giduso ni Hon. Kathleen Cecille C. Pagaling hiniusang giuyunan sa konseho nga pagahatagan ug pagtugot ang halangdong mayor sa pagsulod sa nasangpit nga Memorandum of Agreement.

Tungod niini, mahatagan sa pagtagad ang maayong panglawas ang mga kabataan labi na kadtong adunay mga congenital nga kondisyon dinhi sa siyudad sa Malaybalay.

Report: SP-NADA