Enero 23, 2023, gipahigayon ang Motorela Operators and Drivers Orientation Seminar sa Covered Court, Sumpong, ning dakbayan sa Malaybalay.

Gihimo ang Oryentasyon alang sa mga pinalanggang Motorela Operators ug Drivers hilabi na sa mga bag-ohan nga nahimong Operators ug Drivers sa Motorela niining syudad sa Malaybalay.

Ang atong lokal nga panggamhanan ubos sa administrasyon sa Amahan sa Dakbayan sa Malaybalay, Hon. Atty. Jay Warren R. Pabillaran pinaagi sa Traffic Management Center sa pagdumala ni TMC Head Joseph G. Jabla nga gipangunahan ni Traffic Operations Officer I Ernie Neri Sr. ug Justino Roy Santoninio III uban ang tigpamaba sa kapanguhaan nga gipangunahan ni Asst. Traffic Operations Officer Agustin Cepeda, TE Charlene Tito, TE Josephine Cruz ug pinaagi sa dakong suporta usab gikan sa atong MCFOMUDA Federation president Arlindo Ranoa ug Mediation Committee Amado Baczarpa.

Sa makausa, Ang Lokal nga pangagamhanan pinaagi usab sa buhatan sa Traffic Management Center naninguha nga makabaton ug disiplina sa kaugalingon ang atong mga motorela operators ug drivers kabahin sa paggamit sa atong mga kadalanan ug hilabi na gayud sa pag-amping sa mga pasahero nga mahatud gayud sa ilang tagsa-tagsa ka destinasyon nga luwas sa peligro o disgrasya.

Amping Malaybalay ug Ampingan kita kanunay sa Dios.

TMC-NADA