Alayon sa kasaulogan sa Nutrition Month sa bulan sa Hulyo, ang Heath Education and Promotion Office (HEPO) sa Malaybalay pinangulohan ni HEPO Designate Edna Fe Pendatun inabagan sa HEPO Regional Office 10 ug HEPO Bukidnon mipahigayon ug nagkadaiyang indigay sama sa Zumba (Pilipinas Malakas contest) pagluto sa lamian nga pinakbet (Cookout Workout) ug Video contest (Pinggang Pinoy Panalo) kini kabahin sa mga importanteng pagkaon ug tukma ug balance nga pag dyeta, kansang indigay tukma sa temang Move More, Eat Right.

Ang maong kalihukan gipahigayon didto sa Malaybalay City Central School Gymnasium niadtong Hulyo 27, 2023 kon diin si Dr. Susan Marie S. Punongbayan, RHU physician ang mihatag sa iyang pasiunanag mensahe nga nag-aghat sa tanan nga importante ang pagkaon ug balanse ingon man ang pag atiman sa kahimsog sa panglawas. Si Dr. Vincent Raguro, sa Provincial DOH Office, mipaambit usab sa mensahe sa bag-ong Department of Health (DOH) Secretary Teodoro J. Herbosa nga nakatutok ang maong departamento sa kahimsog sa mga kabataan tungod kay sila ang mas dali mataptan ug sakit.

Mipadangat usab sa mensahe si Bukidnon HEPO Ms. Avril Bughaw ug milakbit sa nagkadaiyang programa sa HEPO. Samtang gipaabot ni Ms. Jade D. Awa, representante ni City Mayor Jay Warren R. Pabillaran ang iyang suporta sa maong kasaulogan.

Mitambong usab sa maong kalihukan ang uban pang mga personahe gikan sa City Health Office kinsa mao ang tigpasiugda ug mga partisipante gikan sa lain-laing barangay sa dakbayan.

Report: CHO-NADA