Mapasigarbohan nga mitambong ang Malaybalay City Team nga gilangkuban nila ni City Mayor Jay Warren R. Pabillaran, Executive Assistant IV Mitchell Talatala ug City Health Nurse IV Maria Rica Raguro sa gipahigayon nga Municipal Leadership and Governance Program (MLGP)– Module ll – Deepening Leadership in Managing Change nga nahigayon didto sa Pearlmont Hotel, Cagayan de Oro City niadtong Agosto 1-4, 2023.

Sa pakig-alayon sa University of the Philippines (UP) College of Public Health isip training partner, ang MLGP usa ka leadership ug governance capability building program alang sa mga mayores ug mga opisyales sa health nga magtumong sa pag-angkon ug maayong resulta sa panglawas pinaagi sa pagpalambo sa mga local health system. Ang MLGP usa ka joint-project sa Department of Health (DOH) ug Zuellig Family Foundation (ZFF).

Ang MLGP-Module ll training mao ang pagtuon nga mahatagan ug kahanas ang local health board sa matag dkabayan sa paghatag ug epektibo, patas ug hataas nga kalidad sa serbisyo alang sa panglawas sa mga lumulopyo niini.