Ang lokal nga pangagamhanan sa Malaybalay pinangulohan ni City Mayor Jay Warren R. Pabillaran mitambong sa gipahigayon nga Municipal Leadership and Governance Program (MLGP) alang sa mga mayor ug opisyales sa maayong panglawas sa nagkalain-laing lungsod ug syudad sa amihanang Mindanao niadtong Enero 31, 2023 hangtud Pebrero 3, 2023 didto sa Pearlmont Hotel, sa Cagayan de oro City. Kauban ni Mayor Pabillaran sila si Executive Assistant IV Atty. Mitchell Talatala, ug CHO Nurse IV Maria Rica Raguro nga milangkob sa Malaybalay City Team.

Ang MLGP Module 1 training – “Grounding and Sensing” ang nagpakita nga ang maayong pagdumala sa lokal nga pangagamhanan mao ang solusyon sa patas ug epektibo nga sistema sa panglawas aron makab-ot ang tumong sa maayong panglawas sa mga katawhan ug lumupyo niini.

Kauban sa University of the Philippines (UP) College of Public Health ang UP Manila sa pagpahigayon sa MLGP Module 1 diin gitambongan usab kini sa mga local health officers sa amihanang Mindanao ug gisuportahan usab sa mga opisyales sa Department of Health Center for Development sa Northern Mindanao. Ang MLGP training gi-sponsoran sa Zuellig Family Foundation (ZFF) Health Change Model.

Mapasalamaton sila si regional Director Jose Rubillos Llacuna, Jr., ARD Ellenietta HMV Gamolo, outgoing regional HLGP coordinator Dra. Rylche Onires Enalab, ug incoming regional HLGP coordinator ug DMU head Dra. Angeli Loren Yen Caguioa, UP CPH and DMU support staff sa kalamposan sa maong training.

Report: CHO-NADA