Human natapos ang hapsay ug malinawon nga piniliay nga giilang “National & Local Elections 2022,” ang COMELEC miproklama sa mga mananaug nga opisyales ning syudad sa Malaybalay niadtong May 10, 2022.

Human makuha ang report gikan sa 176 clustered precincts, Si Mayor Jay Warren R. Pabillaran ang nanguna sa maong gipahigayon nga proklamasyon atubangan ni Acting City Election Officer, Atty. Danilo N. Dividina diha sa SP building, old City Hall. Si Pabillaran nakaangkon og 56,263 votes.

Ingon man, kauban sa mga opisyales sa konseho ang mga mananaug gipangunahan ni Vice Mayor Estelito R. Marabe nga adunay nakab-ot nga 47,007 votes.

Gitambongan usab kini sa mga napili nga mga konsehal mao sila si Niko P. Aldeguer (49,865 votes), Brian Flores (47,858 votes), Melchor Maramara (43,801 votes), Dindo Dinlayan (38,042), Cecille Pagaling (37,844 votes), Kiril Dinlayan (34,377 votes), Winky Damasco (34,342 votes), Gen. Roy Orquia (34,124 votes), Tope Soria (33,416 votes), ug Alan Ryann Legaspi (33,086 votes).

Gikumpirma ang ilang kadaugan sa mga opisyales ubos sa City Board of Canvassers. Sila moserbisyo isip city-elect officials sa syudad sa Malaybalay sulod sa tulo ka tuig (2022-2025).

Sa kinatibukan adunay 115,928 registered voters og 102,411 niini ang nakabotar nga naa’y 88.34% voter’s turnout.