Giaprobahan na sa Sangguniang Panlungsod ang Ordinance No. 1030 S 2023 mao ang ordinansa sa mahitungod sa cash payment system alang sa serbisyo sa Artificial Insemination (AI) sa siyudad sa Malaybalay.

Unang giduso ni konsehal Alan Ryann O. Legaspi ang ordinansa mahitungod sa pagpa rehistro sa mga binuhing hayop sa kabarangayan kaniadtong Setyembre 26, 2023 atol kini sa ika 62nd regular session.

Nasayran nga ang Malaybalay City Breeding Center mao ang buhatan nga gahatag sa serbisyo alang sa Artificial Insemination ngadto sa mga mag-uuma nga nag buhi og baboy.

Ang kasamtangan nga praktis sa nasangpit nga buhatan mao ang pag kolekta sa isa ka baktin isip bayad sa maong serbisyo.
Giduso ang maong ordinansa aron mahatagan ug maayong benepisyo ang mag-uuma ug molambo usab ang atong lokal na panudlanan.

Human sa masusing pagtuon, atol sa ika 69th regular session niadtong Nobyembe 21, 2023, hiniusang giuyunan sa konseho nga aprobahan ang maong ordinansa ug gi aprobahan usab kini sa atong City Mayor Jay Warren Pabillaran kaniadtong Disyembre 13, 2023.
Tungod niini, mas mapalambo ang kita sa mga mag-uuma ingon man usab ang lokal nga pangagamhanan sa Malaybalay.

Report: SP-NADA