Aprobado na sa Sangguniang Panlungsod ang Ordinance No. 1036 S 2024 nga mao ang pag regulate sa noise pollution sa dakbayan sa Malaybalay.

Unang giduso ni Konsehal Melchor P. Maramara and ordinansa mahitungod sa pag regulate sa noise pollution niadtong December 13, 2023 atol sa ika 72 nd nga regular session ug gi- refer kini ngadto kang Konsehal Royland M. Orquia isip Chairman sa Committee on Peace and Order.

Ang bisan unsang mga tingog makonsiderar nga usa ka pollution kon kini madungog sa mga silingan sa halos adlaw-adlaw sa hataas nga oras nga walay hunong.

Ang noise pollution mamahimong peligro ug maka-apekto sa kahimsog sa mga tawo kung kini dili makontrol sa husto.
Kahibaluan nga ang Malaybalay City usa ka progresibo nga siyudad diin daghan ang mga establisamento nga gapahigayon o ga-cater niadtong mahiligon sa pagkanta-kanta o gusto mokanta apan walay saktong sound proofing.

Nasayran usab nga adunay mga reklamo kabahin sa mga establisamento nga adunay video- singko, videokes o karaokes kon diin ang mga tingog nga mogawas niini nilapas na sa normal nga limit sa gikusgon alang sa usa ka ka panimalay.
Ang rason sa maong ordinansa nga ma regulate ang mga kasaba aron kini dili mosangpot sa pollution.

Human sa masusing pagtuon, atol sa ika 89 th regular session niadtong Abril 30, 2024, hiniusang gi-uyunan sa konseho nga aprobahan ang maong ordinansa kon diin gipirmahan usab kini ni City Mayor Jay Warren R. Pabillaran niadtong Mayo 8, 2024.

Ug tungod niini, mahatagan sa giya ang mga establisamento ug mga katawhan kabahin sa pag regulate sa kasaba ug sa noise pollution.

Report: SP-NADA