Gi-aprobahan na sa Sangguniang Panlungsod (SP) ang Ordinance No. 1037 s. 2024 mao ang katumanan sa pagpahigayon og monthly community meeting sa Syudad sa Malaybalay.

Atol sa ika 83rd nga regular session niadtong Marso 19, 2024, unang giduso ni konsehal Brian Nelson T. Flores nga mapanday ang balaud aron mapalig-on ang regular monthly community meeting diha sa mga purok ug kabarangayan.

Tumong niini nga mapaabot sa mga katawhan ang tukmang impormasyon, programa, proyekto sa atong syudad. Kalabot na ang pakiglambigit ug pagbinayloay sa mga ideya alang sa kalamboan sa atong komunidad. Nagsilbi usab kini nga mapalig-on ang pagplastar sa mga programa ug assistance diha sa purok ug lumilihok niini.

Human sa masusing pagtuon, atol sa ika 92nd regular session niadtong Mayo 21, 2024, hiniusang gi-uyonan ug gi-aprobahan sa konseho ang maong balaud.

Gipahigayon ang pag pinirmahay sa nasangpit nga ordinansa niadtong Hulyo 9, 2024 didto sa Folk Arts Theater nga gitambongan sa mga opisyales , punong barangays ug mga purok leaders, ning syudad.

Tungod niini, mas mapadali ang pagpahibalo sa mga impormasyon ug uban pang mga programa sa kalamboan alang sa atong katawhan sa pinakaubos nga sektor sa atong katilingban.

SP-NADA
Photo credit: Hon. Brian Nelson T. Flores