Giaprobahan na sa Sangguniang Panlungsod (SP) ang Ordinance No. 1035 S 2023 mao ang ordinansa sa Tourism Ecological Fee sa Malaybalay.

Unang giduso ni konsehal Alan Ryann O. Legaspi ang ordinansa mahitungod sa Tourism Ecological Fee kaniadtong February 6, 2024 atol sa ika 78th regular session.

Nasayran nga ang Tourism Ecological Fee mao ang pagpalambo ug pagpadayon sa mga kalihokan sa turismo uban sa pag konserbar ug pag protektar sa mga turismo nga mga lugar ug pag promote sa ecological solid waste management dinhi sa syudad sa Malaybalay.

Dugang rason sa maong ordinansa nga masiguro nga ma implementar ang mga dugang plano sa pagpalambo sa mga proyekto uban usab sa pag amuma sa atong kultura, mga mithi, mapalambo ang siguridad ug mahigalaon sa mga turista.

Natala usab sa ordinansa ang pakigtimbayayong sa mga buhatan mapa lokal man ug national, mga organisasyon ug uban pang stakeholder.

Human sa masusing pagtuon, atol sa ika 86th regular session niadtong Abril 8, 2024, hiniusang giuyunan sa konseho nga aprobahan ang maong ordinansa ug aprobado usab kini sa atong City Mayor Jay Warren Pabillaran kaniadtong Abril 16, 2024.

Tungod niini, mas mapalambo ug madugangan ang pundo sa mga proyekto sa turismo uban sa protektar sa atong kinaiyahan.

Report: SP-NADA