Giaprubahan na sa Sangguniang Panlungsod ang SP Resolution No. 2022-0031 nga mao ang Memorandum of Agreement tali sa City Government of Malaybalay (CGM) ug sa Department of Environment and Natural Resources -Environment Management Bureau- X (DENR-EMB-X). Ang maong kasabutan nagatugot sa pagtukod ug Continuous Ambient Air Quality Monitoring Station (CAAQMS) diha sa City Hall Compound niining siyudad sa Malaybalay.

Kaniadtong Hulyo 5, 2022, si City Mayor Jay Warren R. Pabillaran nag endorso ngadto sa Sangguniang Panlungsod mahitungod sa pagsulod sa usa ka MOA tali sa CGM ug sa DENR-EMB-X sa pagtukod sa nasangpit nga proyekto.

Subay sa Republic Act No. 8749 nga ang DDENR-EMB-X mao ang gitahasan sa pagpugong, control, pagminus sa tanang polusyon sa hangin ug pagtukod sa air quality, monitoring station parakanunay masusi ug mahibaluan ang level sa air polusyon sa bisan asang lugar sa Region X.

Nahimutang usab sa maong Republic Act nga gitawag ug Philippine Clean Air Act of 1999 nga mag tambayayungay ang pangagamhanang national ug local sa pagdumala ug pagmintinar sa kalidad sa hangin solod sa local na teritoryo .

Ang City Government of Malaybalay City nagsuporta pinaagi sa pag gahin sa luna ug pag koral sa palibot niini aron masiguro ang seguridad sa CAAQMS. Dugang pa niining, niuyon usab ang atong lokal nga pangagamhanan sa uban pang mga termino ug mga kondisyon nga natala sa maong MOA. Nasayran usab nga mikabat sa P1,187,888.00 ang kantidad sa maong proyekto.

Atol sa 7th regular session niadtong Agosto 16, 2022, giduso sa chairman sa Committee on Environment & Natural Resources Alan Ryann O. Legaspi ug hiniusang gi-uyonan usab sa konseho nga hatagan ug pagtugot ang halangdong Mayor Pabillaran pagsulod sa nasangpit na MOA alang sa pagtukod sa CAAQMS. Tungod niini, mas mapadali ang katumanan sa maong proyekto ug ma proteksyonan ang panglawas sa katawhan.