Ang lokal nga pangagamhanan sa Malaybalay mi-abag sa Philippine Statistics Authority (PSA) sa paghatud sa serbisyo ngadto sa mga katawhan ilabi na sa pagparehistro ug pagkuha sa Philippine Identification Card (ID) o National ID. Ang maong serbisyo gipa-agi sa PSA ngadto sa matag institusyon ug government offices nga gitawag ug institutional registration.

Alang sa dakbayan sa Malaybalay, nag sugod ang maong serbisyo niadtong Hulyo 4, 2022 ug kini nahimutang sa ground floor sa City Hall, Barangay Casisang. Magadawat sila sa magparehistro Lunes hangtud Biyernes,8:00 AM – 5:00 PM.

Bukas ug libre sa tanan ang pagkuha sa National ID. Gihangyo sa PSA nga aron madali ang pag proceso sa aplikasyon, magdala sa mga rekisitos nga mao ang mosunod:

·Sa nag edad singko (5) hangtud katorse (14) anyos magdala lang sa ilang original birth certificate puede kadtong gikan sa LCR o kaha sa PSA

·Sa mga nag edad kinse (15) pataas o mga estudyante, magdala lamang sa ilang school ID ug original birth certificate

·Sa mga empleyado pagadalhon nila ang ilang office ID nga nakabutang o adunay middle name nga naka imprinta

Magpdayon sa tibuok bulan sa Hulyo ang maong registration center sa City Hall apan adunay plano nga ipalungtad kini hangtud sa Agosto niining tuig kung gikinahanglan. Atol sa pagsulat niini, aduna nay 103 ka mga katawhan ang nahatagan sa maong serbisyo.

Aduna usab gipahimutang nga Fixed Registration Center didto sa Purok 2 sa Landing, Barangay Casisang kon diin bukas kini Lunes hangtud sa Sabado , 8:00 AM – 5:00 PM ug nagpatuman sila sa No Noon Break Policy. Apan kini maka rehistro og maka serbisyo lamang sa 150 ka tawo matag adlaw sa gikatakda nga skedyul.