Nagpadayon nga mi-abag ang lokal nga pangagamhanan sa syudad sa Malaybalay sa Philippine Statistics Authority (PSA) sa paghatag sa serbisyo sa mga katawhan sa Malaybalay pina-agi sa pagpahigayon sa pagpang rehistro o pagkuha sa sa Philippine Identification Card (ID) o National ID.

Kini padayong gipahigayon sa ground floor sa City Hall, Barangay Casisang, Lunes hangtud Biyernes, 8:00 AM – 5:00 PM.

Gihangyo lamang sa PSA aron mapadali ang pag proceso sa aplikasyon, magdala lamang sa mga musunod nga rekisitos:

• Sa nag edad singko (5) hangtud katorse (14) anyos magdala lang sa ilang original birth certificate puede kadtong gikan sa LCR o kaha sa PSA;

• Sa mga nag edad kinse (15) pataas o mga estudyante, magdala lamang sa ilang school ID ug original birth certificate;

• Sa mga empleyado pagadalhon nila ang ilang office ID nga nakabutang o adunay middle name nga naka imprinta.

Bukas ug libre sa tanan ang pagkuha sa National ID ug kini molungtad hangtud sa katapusan niining bulan sa Agosto 2022.