Giaprobahan na sa Sangguniang Panlungsod ang SP Resolution No. 2022-0021, mao ang Contract Agreement tali sa City Government of Malaybalay (CGM) ug sa Devdrex Construction Services mahitungod sa pagpalambo ug pag-upgrade sa Swine Production Center nga nahimutang diha sa Natid-asan, Barangay Casisang niining syudad sa Malaybalay.

Kaniadtong Hunyo 16, 2022, si Mayor Jay Warren R. Pabillaran nag-endorso ngadto sa Sangguniang Panlungsod uban sa paghangyo nga siya pagatugotan sa pagsulod sa nasangpit nga kontrata alang sa maong proyekto.

Sumala sa Bids and Awards Committee (BAC) Resolution No. 2022-226, nasayran nga ang Devdrex Construction Services ang pinakaubos nga nag-bid sa kantidad nga Php 2,697,650.90 ug gideklarang winning bidder sa napahigayon nga bidding niadtong May 25, 2022.

Human sa masusing pagreview ug evaluate sa mga dokumento, ang maong resolution giduso sa Chairman sa Committee on Engineering & Public Works, Councilor Brian Nelson T. Flores ug gi-uyonan usab sa konseho niadtong Agosto 2, 2022 atol sa ika-lima nga regular session. Tungod niini, mas mapadali na ang pag-implement sa maong proyekto.

Report: SP-NADA