Gi-aprobahan na sa Sangguniang Panlungsod (SP) ang Resolution No. 2024-0585 mao ang usa ka Memorandum of Agreement (MOA) tali sa City Government of Malaybalay (CGM) ug sa Department of Agriculture (DA) pinaagi sa Agricultural Training Institute-Regional Training Center 10. Kini mahitungod sa pag-implementar sa programa nga giiliang “Go Urban Gardening: Making Food Available (GUGMA).”

Si City Mayor Jay Warren R. Pabillaran ang nag endorso ngadto sa SP uban sa paghangyo nga pagatugutan siya sa pagsulod sa usa ka kasabutan aron mapatuman ang maong programa.

Ubos sa administrasyon ni Mayor Pabillaran, siya nag-aghat ug nag-promote sa urban agriculture aron matabangan ang panginahanglanon sa pagkaon, molambo ug maprotektahan ang kinaiyahan pinaagi sa paglatag sa eco-friendly nga pamaagi sa pag-garden.
Nasayran nga ang DA nakipagtimbayayong sa CGM sa pag-implementar sa nasangpit nga programa nga mahatagan ug kapasidad ang komunidad labi na dinhi sa urban area nga makahimo og usa ka healthy garden.

Human sa masusing pagtuon, atol sa ika-74 nga regular session niadtong Enero 9, 2024 , giduso ni Hon. Alan Ryann O. Legaspi ug hiniusang giuyunan sa konseho nga pagahatagan ug pagtugot ang halangdong mayor sa pagsulod sa nasangpit nga MOA.

Report: SP-NADA