Nahimong mabungahon ug nagmalampuson ang pagsaulog sa Ika-124 Adlaw sa kagawasan sa atong nasud Pilipinas pinaagi sa usa ka programa ug seremonya niadtong Hunyo 12, 2022.

Nagdala sa tema, “Kalayaan 2022: Pagsuong sa Hamon ng Panibagong Bukas,” ang kalihokan gisugdan pinaagi sa Flag Caravan alas syete sa buntag nga nibaybay sa kadalanan gikan sa Dalwangan ug Bangcud padulong sa City hall.

Gisundan dayon kini sa usa ka programa human niabot ang caravan sa alas ocho sa buntag. Ang maong okasyon gipangulohani ni City Mayor Jay Warren R. Pabillaran ug inabagan usab sa 403rd Infantry Brigade Philippine Army ubos sa pagpanguna ug mando ni BGen Ferdinand T Barandon.

Nagpasamalat si Mayor Pabillaran sa tanang nitambong ug nag hinaut nga ibutang nato sa atong kasingkasing ug panumdoman ang tinuod nga esensya sa atong pagselebrar sa atong kagawasan.

“Wala nato gipili na kita maanak sa Pilipinas — mao gyud na ang isa ka misteryo sa kinabuhi, wala ta gibutang sa laing nasud kundi sa Pilipinas. So its our city, our job, na ang gihatag nga kagawasan sa nag una sa atoa, atong ma-maintain” Ang tinuod gayud nga hagit sa atoang tanan, ato bang ma maintain ang gihatag nga kagawasan sa atoa, dugang pa niya.

Iya pung hagit nga mahatagan ug puy-an ang pulong pinaagi sa “transparency ug honesty” sa atong mga gingbuhaton. Ingun siya, “Are we truly honest? Because what is needed now is the right knowledge. Kung wala gani ang right knowledge gani ang kagawasan na gihatag sa atoa walay pulos.”

Gipaningkamotan ni Mayor Pabillaran nga pinaagi sa transparency, iya mismong gisugdan nga mahimong dayag o transparent ang matag pahigayon sa public bidding ning syudad.

Sa katapusan iyang gipasalamatan atong men and women in uniform sa ilang serbisyo ug sakripisyo alang sa pagprotektar sa atong nasud.

Gisalmotan ang maong panagtigum gikan sa civic groups, bgrys 1-11, Casisang, Sumpong ug Kalasungay, DepEd, ug mga opisina nga mi-apil usab sa tagsa tagsa nga floral offering.