Ang City Veterinary Office (CVO) – Malaybalay City Livestock Production Breeding and Training Center bag-ohay lang nakigtimbayayong sa Agricultural Training Institute (ATI) Regional Training Center 10 – Northern Mindanao alang sa pagpahigayon sa Animal Health Care and Management Refresher Training Course.

Tumong sa maong kolaborasyon ug paningkamot nga matudloan ang mga partisipante nga mas mapalapad pa ang ilang kahibalo ug katakos aron masiguro ang kahimsog ug kahimtang sa binuhing hayop sa matag komunidad.

Ang pagbansay-bansay niadtong Marso 6-8, 2024 nga gibahin sa duha ka kalihokan mao ang lecture sa Veranda, Casisang, ug ang hands-on field exposure didto nahigayon sa Mountain View College.

Si Dr. Omar T. Cahanap nagsilbi nga key resource person sa tulo ka adlaw nga panagtigum, kauban si Dr. Michele C. Miquiabas, head sa CVO nga mipadayag sa iyang suporta. Nipaluyo usab sa pag-pasiugda sa maong kalihokan si Jeric Cabatac and Joshua Mercado gikan sa ATI, ingon man si Beltsasar C. Rizaga sa Mountain View College’s School – Agriculture Livestock Production Program.

Gipartisiparan kini sa 10 veterinarians and 18 livestock technicians ug coordinators gikan sa nagkadaiyang lokalidad sa rehiyon 10, apil ang Camiguin, Misamis Oriental, Cagayan de Oro, ug Claveria.

Narepresentahan usab ang mga lungsod sa Bukidnon mao ang Maramag, Kitaotao, Sumilao, Impasug-ong, Libona, Lantapan, Damulog, Baungon, Pangantucan, San Fernando, Kibawe, Valencia City, ug Don Carlos.

Report: Dr. Omar T. Cahanap, CVO-NADA