Ang City Social Welfare and Development Office (CSWDO) inubanan sa City Environment and Natural Resources Office (City ENRO) migiya og suporta sa Barangay 1 Pag-asa Youth Association (PYA) Group mahitungod sa pagpahigayon sa Personality Enhancement and Positive Lifestyle (PEPLIFE) on “Environmental protection and Awareness” session didto sa Livelihood Center, Barangay One, Malaybalay City niadtong Oktubre 22, 2022.

Gisalmotan kini sa mga miyembro sa PYA sa Barangay One, Opisyales sa SK, kawani sa CSWDO, ug City ENRO.

Ang mamumulong sa aktibidad mao si Ricky T. Paano, personahe sa City ENRO. Naka-angkla ang panaghisgot kabahin sa “environmental protection and awareness” isip usa sa mga prayoridad nga programa diri sa syudad sa Malaybalay.

Ang maong kalihokan gimugna aron sa paghatag kahibalo sa mga kabatan-onan mahitungod sa pag-amuma sa atong kinaiyahan, paghatag ug bili sa kahoy nga ilang gitanum, ug paghagit kanila nga kini adunay dakong kapuslanan alang sa umaabot pa nga panahon.

Report: CSWDO-NADA