Mokabat sa 283 ka mga estudyante ang nakatambong og nakatagamtam sa libre nga

career coaching nga gipahigayon sa Public Employment Service Office (PESO) niadtong June 30, 2022 og August 4, 2022 didto sa Barangay 9 Covered Court og People’s Hall, New City Hall, Malaybalay City.

Ang maong programa gipanghingusgan sa atoang kasamtangang PESO Manager, Atty. Anna Marie R. Bergado diin siya mismo ang nahimong resource speaker sa

gipahigayong career coaching.

Giawhag ni Atty. Bergado ang mga estudyante sa paghimu og maalamon nga desisyon

para sa ilahang umaabot nga career base sa ilahang kaugalingong kahanas og interes diin motupong usab sa panginahanglanon sa katilingban.

Gihisgutan usab niya ang mga

kusog og hagit sa mga nagkadaiyang mga propesyon aron masuta sa mga estudyante kung aha mohaom ang ilahang mga personalidad.

Ang pagpahigayon sa career coaching usa sa tahas sa PESO diin kini usa ka paagi sa

pagtabang sa mga high school students nga makapili og propesyon nga ilahang ikalipay

og malampusan.

Tumong sa maong programa ang pag giya sa mga estudyante nga masabtan ang importansya sa pagpili og karera para malikayan ang dili tugma nga pagpanarbaho.

Karon nga nibalik na sa face-to-face ang klase sa mga estudyante, gilauman sa PESO

Malaybalay nga makapahigayon pa og umaabot pang mga career coaching activities sa

nagkadaiyang mga tunghaan sa siyudad sa Malaybalay.

Report: CMO-PESO NADA