Gisugdan niadtong Marso 2023 ug nagpadayon hangtud karon, ang pagpahigayon sa PhilHealth E-Konsulta diha sa Enhanced Screening Area (ESA) PhilHeallth Section sa main entrance sa City Covered Court, Barangay 4, ning dakbayan sa Malaybalay.

Tumong sa pag parehistro sa PhilHealth E-Konsulta ang mahatagan ug financial risk protection ang tanang pamilyang Pilipino ug ma-atiman ang kahimsog sa panglawas.
Mga senior citizen, mabdos, adunay kabilinggan sa panglawas, kabos o maayo ang kahimtang, ug bisan unsa man ang relihiyon ang mamahimong magparehistro tungod kay walay gipili kung motakboy ang sakit ug walay makalikay sa delikado kung adunay gihambin nga balatian.

Pinaagi niini nga programa, mas mapadali ang pag responde sa tawo nga may balatian kung gikinahanglan ba dapatan sa tambal o kaha mahatagan ug referral aron madala sa ospital.

Busa, gidasig sa City Health Office (CHO) Malaybalay isip health provider ang tanang katawhan sa pagparehistro aron maka avail sa komprehensibo nga outpatient health services sama sa initial ug follow-up primary care consultations ingon man mga piniling diagnostic services ug mga tambal.

Report: CHO-NADA