Ang Buhatan sa City Disaster Risk Reduction and Management Office (CDRRMO) nga gipangulohan ni Chief Alan J. Comiso kauban sa buhatan sa Bureau of Fire Protection ug City Environment and Natural Resources nagpahigayon ug National Simultaneous Earthquake Drill (NSED) 1st Quarter 2023 niadtong March 9, 2023.

Giila ang mga tulunghaan nga misalmot diha sa basakan district mao ang San Martin Agro-industrial, San Martin-Sinanglanan ES, Apo Macote ES-NHS, Simaya ES, Dapulan ES, Calawaig ES, ug Padernal ES.

Kauban usab ang gikan sa South Highway district gilangkuban sa Bangcud ES-NHS ug Luyungan HS. Ingon man ang pribadong skwelahan sa Isabela Ayala Gonzales ES ug Bright Spark Academy.

Apil sa miduyog mao ang Gaisano Mall, DPWH Malaybalay ug CDRRMO Evacuation Center sa nasangpit nga kalihokan nga gidesinyo ug gihimo aron masulayan ang mga kapasidad sa institusyon ug indibidwal nga kahibalo kalabot sa pagpangandam sa panahon kung adunay linog.

Gipartisiparan kini sa mga magtutudlo, estudyante ug kawani sa pribado ug gobyerno nga gitudloan sa pamatasan sa “Duck, Cover, and Hold” ug dayon mibakwit ngadto sa designated evacuation area.

Gisugdan ang pag patingog sa alarm nga nagtimaan sa pagsugod sa NSED. Giandam sa evalutors ang drill aron sa paglantaw sa simulation ug andam ang medical response teams aron masusi kung adunay mga nasamdan.

Paghuman sa drill, gipahigayon ang feedbacking activity. Ang mga rekomendasyon ilang gilatid  aron sa pagpalambo sa kahanas sa maong drill, apil ang paghimo sa emergency preparedness plan ug evacuation plan.

Report ni: Rennon Jan Polley, CDRRMO-NADA

#teamcdrrmomalaybalay

#NSED2023

#cultureofsafety