Gidawat ni City Councilor Brian Nelson T. Flores, anak ni kanhi City Mayor Florencio T. Flores, Jr. ang Posthumous Plaque of Distinguished Meritorious Service Award alang kang Mayor “Doc Boy” Flores, Jr. alang sa iyang “unparalled contribution and exceptional legacy for the development and progress” sa syudad sa Malaybalay”.

Kini atol sa 2nd Monday Convocation program niadtong Oktobre 10, 2022 didto sa Peoples Hall, City Hall sa Malaybalay nga gitambongan sa mga opisyales ug mga kawani sa lokal nga pangagamhanan sa Malaybalay.

Ang maong service award gipirmahan ni City Mayor Jay Warren R. Pabillaran, City Vice Mayor Estelito R. Marabe ug tanang miembro sa Sangguniang Panlungsod ug kini basi usab sa Resolution No. 2022-0106 nga gi-sponsoran ni Councilor Melchor P. Maramara.