Siyam (9) ka paresan nga buot mosulod sa salag sa kaminyoon ang mitambong sa Pre-Marriage Orientation and Counselling Session niadtong Pebrero 6, 2024 didto sa Population and Development Office, sa CEEDMO Building sa mercado publiko, barangay 9, ning dakbayan.

Ang pagpahigayon sa pre-marriage orientation and counselling session usa ka mahinungdanon nga lakang alang niadtong gusto magpakasal tungod kay kini makatabang sa pag-ila sa ilang mga core beliefs, marriage expectations, mga plano sa umaabot ug ang ilang panimuyo panahon nga sila maghi-usa na.

Basi sa Responsible Parenthood and Reproductive Health Act (RA 10354), ang tanan nga buot magminyo kinahanglan motambong ug mopartisipar sa pre-marriage orientation and counselling session, una sila hatagan sa lisensya.

Ang mga topics sa maong kalihukan naglangkob sa Faith Based Organization, Marriage and Relationship, Responsible Parenthood, Planning the Family, Strengthening Husband and Wife Relationship ug Pregnancy and Child Care nga gituki sa mga speakers nga sila si Ptr. Michael F. Mendiola, Dr. Kim Tubog Luardo, Ms. Arlene T. Oronan, RN, Ms. Lorna S. Bansag, RN sa City Health Office, Ms. Janelle R. Llerin, sa CCRO, Ms. Marose F. Bordaje, sa CSWD, Ms. Fruitelyn Z. Vicente ug Ms. Melani M. Madrones sa CHO-POPDEV.

Report: Lianne Jones T. Cajegas, PTRP
CHO- NADA/PT Unit Staff