Malipayon nga midawat ang kwarenta (40) ka mga kabataang lumad sa Purok 6, Barangay Indalasa sa mga health kit ug school supplies nga gikan sa Pag-Asa Youth Association of the Philippines (PYAP) Federation – Malaybalay Chapter ug sa City Social Welfare and Development Office (CSWDO) -Youth Welfare staff sa gipahigayon nga outreach program niadtong Nobyembre 27, 2022.

Ang mga kabataan nga nahimong benepisyaryo mao ang mga bata nga anak sa rebelde nga nibalik na sa sabakan sa gobyerno.

Ang maong kalihukan nahilakip sa kasaulogan sa Children’s Month diin gidasig ang mga kabataan sa pagpadayon sa pagtungha alang sa ilang kaugmaon.

Mipadangat sa ilang pasalamat ang mga opisyal sa barangay Indalasa nga napili ang ilang barangay sa maong outreach program.

Report: NADA-CSWDO