Ang lokal nga pangagamhanan sa syudad sa Malaybalay pina-agi sa City Administrator’s Office- Organization Development division mipahigayon ug Records Management Assessment nga gitambongan sa mga representante gikan sa lain-laing buhatan sa City government.

Si City Administrator Atty. Anna Marie R. Bergado mipasabot nga ang maong panagtigum mag assess kun aduna bay records managemement sa kasamtangan ang matag buhatan ug anaa ba sa husto nga pamaagi ang pag manage sa maong mga records.

Dugang pa ni City Administrator Bergado nga usa lamang kini sa ipahigayon nga mga assessements sa mga buhatan aron ma-enhance pa ang mga sistema nga gigamit sa kasamtangan.

Si Ms. Jeanyben M. Dacalanio, usa sa facilitator sa maong kalihukan naglaum nga ang pagpahigayon sa maong assessment mamahimong sumbanan sa paghatag ug intervention o recommendation ngadto sa halangdong Mayor Jay Warren R. Pabillaran ug mga miembro sa Sangguninag Panlungsod aron makamugna ug mga ordinansa ug balaod nga magtugot ug makabaton ug buhatan alang sa management, archiving ug disposal of records.

Mikabat sa 76 ka mga partisipante nga gibahin sa duha ka hugpong ang nakatambong sa maong panagtigum didto sa People’s Hall, City Hall ning dakbayan adlawng Huwebes, Agosto 31, 2022.