Atol sa gipahigayon nga 2022 Regional Sandugo Recognition and Awarding Ceremony niadtong Nobyembre 28, 2022 didto sa Grand Caprice, Limketkai Center sa Cagayan de Oro City, midawat ug pasidungog sila si punong barangay Bonifacio G. Valiente sa barangay Casisang, Edgar Hernando sa barangay Linabo ug Emeteria Cordero sa barangay Violeta lakip na si Cheryl Ann C. Gamboa ang coordinator sa blood letting sa buhatan sa Malaybalay City Health.

Kini basi sa Presidential Proclamation No. 1021 s 1997 nga nagdeklara sa bulan sa Hulyo matag tuig nga “Blood Donor’s Month” kon diin ang Center for Health Development- Northern Mindanao ang mipasiugda sa maong espesyal nga programa isip paghatag ug pasalamat sa mga tawo nga nagtabang ug nagpaluyo sa blood letting program sa gobyerno.

Ang maong kalihukan gitunol ngadto sa nagkadaiyang mga mayor sa syudad ug lungsod sa probinsya sa Bukidnon ingon man ngadto sa mga punong barangay ug blood coordinators sa health office kinsa mihatag ug kontribyusyon ug suporta sa voluntary blood donation program.

Report: NADA – CHO