Niadtong Agosto 10, 2023 ang opisina sa City Agriculture Office nagpahigayon og usa ka Replication of Sustainable Land Management (SLM) Technology Project Launching.

Nagpahigayon usab ang opisina sa usa ka mubo nga programa nga gipangunahan sa SLM Focal Person Ms. Lucell P. Carpentero inubanan sa Corn Coordinator Ms. Myra S. Abejuela aron mahatagan og higayon ang mga bisita nga makapa-ambit sa ilahang mga mensahe para sa mga benepisyaryo ug mas mapasabot pa sa ilaha ang tumong aning maong proyekto.

Gitahasan sa pagpaila-ila sa mga bisita og mag-uuma si Mr. Emegen L. Disalan, Crop Section-OIC. Nahatagan og higayon ang atoang mga mag-uuma nga mailhan sila sa mga bisita basi sa ilahang natad sa espesyalidad nila nga mga tanom.

Mihatag usab sa kinatibuk-ang hulagway sa proyekto ang Senior Agriculturist/OIC-PMED nga si Engr. Lilianne A. Obre, nga mao ang “Sustainable Land Management (SLM) Technology Project” nga naglangkob og lima (5) ka site sa Barangay Silae, Kulaman, Mapulo, San Jose, ug Miglamin.

Matag barangay adunay madawatan nga 1 bag Hybrid Corn seeds, 20 bags Agricultural Lime, 35 bags Organic Fertilizer, 1 gallon Herbicides, 1 bag Urea (46-0-0), 1 bag Muriate of Potash (0-0-60), 3 bags Complete (14-14-14), 5 bags Ammonium Phosphate (16-20-0), 46 pieces Durian Seedlings, 23 pieces Lanzones Seedlings, 23 pieces Lemonsito Seedlings, 23 pieces Rambutan Seedlings, 100 pieces Banana Seedlings, 23 pieces Dwarf Coconut Seedlings, 1 piece Level Bar Ruler, 1 piece Knapsack Sprayer, 1 piece Shovel, 1 piece Slicer Bolo, 1 piece De-leafing Knife, ug 1 piece Record Book.

Gi-awhag ni Obre ang mga benepisyaryo nga magmadasigon sa pagpadayon sa pag-uma, og gamiton ang mga nadawatan nila nga mas mapalambo ang ilahang tagsa-tagsa nga panguma, lakip usab nga giistoryahan ang mga maayong benepisyo nga makuha sa SLM.

Sa laing bahin, mihatag og usa ka mensahe si City Councilor – Committee on Agriculture Hon. Allan Ryann O. Legaspi, nagpasalamat kini sa kanunayong suporta sa mga mag-uuma sa iyahang mga proyekto ug ordinansya sa Agrikultura nga naay hayag og maayong tumong.

Lakip nga mihatag og mensahe ang CENRO Officer Ms. Ma. Anita L. Fernandez nga girepresentahan ni Ms. Roxanne Gamo, ug dugang mensahe usab gikan sa NSRRDC-HIGHPEZ Mr. Henry A. Apolinares nga girepresentahan ni Mr. Mark Anthony Paga, BSWM –Agri I nga naghisgut kung unsa ka importante ang pag konserba sa atoang mga yuta sa uma.

Midungag og usa ka madasigon nga mensahe ang CDRRMO Officer Mr. Allan J. Comiso, nga nag awhag sa mga mag-uuma nga ampingan ang kinaiyahan og ipadayon ang mga maayong natad sa pag-uma nga dili makadaot sa palibot.

Mipaambit sa dugang mensahe ang amahan sa syudad sa Malaybalay Hon. Jay Warren R. Pabillaran nga girepresentahan sa City Administrator, Atty. Anna Marie R. Bergado, gisaysay pa niya kung unsa ka importante sa atoang Mayor ang sakto nga natad sa panguma, nga mamahimong sustainable ang pagpananom sa mais para malikayan ang soil erosion sa mga kabukiran, nga pamaagi sa Sustainable Land Management (SLM) nga proyekto ug mamahimong ma solusyonan ang mga problema nga naglangkob sa mga kalamidad.

Gipaminaw usab sa tanan ang usa ka response gikan sa usa ka SLM Practitioner nga si Mr. Benvenido C. Tigbabao gikan sa Barangay Silae.
Mipahayag kini sa iyahang dako nga pasalamat sa pag mugna sa maong proyekto, nga nadungagan ang ilahang mga kaalam matod sa saktong pagdumala sa yuta nga tamnan sa mga nagkalain-laing tanom dili lang mais pero lakip na ang ubang lagutmon, nahatagan og bili ang yuta nga pagatamnan sa mga tanom, ang importansya sa pag gamit ug contour sa mga bakilid nga mga lugar.

Dugang pa usab niya nga paniguruhon nila nga magamit sa sakto ang mga gipanghatag sa gobyerno nga mga ayuda, ug mamahimong produktibo ang ilahang mga pananom.
Mihatag sa iyahang panapos nga mga pulong ang Corn Coordinator Ms. Myra S. Abejuela, nga naghisgot sa dugang nga mga pahimundom sa mga mag-uuma mahitungod sa importansya sa SLM, ang mga benepisyo niini sa kinaiyahan.

Dugang usab niya ang pasalamat sa tanan nga mitambong ug nagpaluyo sa proyekto nga namahimo kining malampuson lakip na ang suporta sa City Government of Malaybalay.

Report by: CHLOE JEAN B. BERONILLA, City Agri – NADA