Ang lokal nga pangagamhanan sa Malaybalay gipangunahan sa City Planning and Development Office (CPDO), inubanan sa City Tourism, Bukidnon State University (BukSU) lakip ang Local Culture and Arts Heritage Council, nagmalampsuong nagpahigayon ug Ribbon Cutting alang sa Ethno-Historical and Art Exhibit, niadtong Hunyo 21, 2022.

Nahitabo kini sa Ground Floor sa New City Hall ug gipangunahan kini ni City Mayor Jay Warren R. Pabillaran inubanan ni City Councilor Louel M. Tortola, Atty. Anna Marie R. Bergado, Engr. Adrian R. Gamboa, Venus G. Palalay, ug Honolo Marie Cruzin. Uban sab ang mga membro sa Local Culture and Arts Heritage Council nga sila, Loreta Sol Dinlayan ug Remedios Garcia Barretto.

Sa maong aktibidad, gi abi-abi ni Councilor Tortola alang sa iyang opening remarks pinaagi sa pag ingon, “Madasig nato sa sunod nga henerasyon unsa ang importansya sa kulturanhon na kalihukan,” hisgot usab niya nga untang ipagpasalamat ang atong kulturananhong mithi dinhi sa syudad.

Dugang niana ang maundanong mensahe usab ni halangdong Mayor Pabillaran, “Kung dili nato balikan atong kasaysayan, mawala kita” ug matod usab niya, nga kinahanglan kita karon magkonektar gikan sa atong kagahapon aron usab kita makakonektar sa umaabot.

Saysay usab ni Engr. Gamboa sa maong interbyu, parte sa pagsaulog sa Aldaw Ta Malaybalay ang Ethno- Historical and Art Exhibit aron madasig ang lokal nga mga opisyales, nga sa umaabot nga panahon makatukod tag kaugalingong museum dri sa lungsod sa Malaybalay