Madumdoman na niadtong Pebrero 27, 2024 sa Violeta Covered Court, Malaybalay City gipahigayon sa buhatan sa City Agriculture ang pag pang apod-apod sa pinansyal nga tabang sa mga mag-uuma sa humay sa Malaybalay City, diin kini naglangkob og 1,918 ka mga mag-uuma.

Niadtong Abril 25, 2024 sa San Jose Covered Court, Malaybalay City mitunol na usab ang Departamento sa Agrikultura og P 5,000.00 nga cash assistance para sa dugang na 228 nga mag-uuma sa Malaybalay City pinaagi sa Western Union.

Gidungan kini sa pagpanghatag pud sa laing munisipyo sama sa Cabanglasan nga naay 323 ka mag-uuma, Impasug-ong nga naay 118 ka mag-uuma, Sumilao nga naay 24 ka mag-uuma, Lantapan nga naay 17 ka mag-uuma, ug Manolo Fortich na naay 8 ka mag-uuma.

Sa kinatibuk-an adunay 742 ka mag-uuma ang nidawat sa tabang pinansyal didto sa Barangay San Jose nga nagkantidad og Php 3,710,000. Kini na mga mag-uuma narehistro sa Registry System for Basic Sectors in Agriculture (RSBSA) nga adunay basakan nga dili molapas sa duha ka ektarya.

Ang programa gitambongan nila ni Regional Rice Coordinator Chona H. Nacalaban, Acting Provincial Agriculturist Jacqueline Julia A. Lagamon, Konsehal Alan Ryan O. Legaspi, ug City Agriculturist Engr. Richard B. Leono.

Gipasabot ug gipahinumdoman nila ang mga mag-uuma nga gamiton ang tabang nga nadawat sa pagpalit sa mga kinahanglanon nila diha sa pagpanguma para kini makatabang nga madugangan ilang kinitaan.

Report ni: Gecel Quinquiño-Ocon, City Agri-NADA